Ikaskuntzak, lankidetza publiko-sozialeko benetako proiektu baten asmoari buruzko ikuspegia kontuan hartuta

Pasa den astean, Bherria Komunitatean elkartu ginen, Bherriaren ikaskuntza-komunitatean, asmoaren argitasuna eta horrek lankidetza publiko-sozialeko proiektuetan duen eragina lantzeko. Gure asmoa lortu nahi dugunaren adierazpena da, eraikin nahi dugun proiektuaren definizioa. Fokua argia izateak lerrokatuago egoten laguntzen digu, palanka modu eraginkorragoan egiten, aniztasunetik eta autonomiatik lan egitea erraztearekin batera.

Asier Arevalori, komunitateko kidea, thinking Fadura proiektua nola bideratu den partekatzeko eskatu diogu, bertako arduradun teknikoa baita. thinking Fadura Getxo Kirolak-en (Getxoko Udaleko erakundea, udal-kiroldegiak kudeatzen dituena) eta udalerriko herritarren arteko lankidetza-prozesua da, Fadura parke publiko bihurtzeko, kiroldegiko abonatuen kirol-jarduerarako instalazioekin batera.

Proiektua URAren, Uraren Euskal Agentziaren, jardueren esparruan sortu da, Gobela ibaiaren ibilgua zabaltzeko eta egokitzeko eta 21 hektareako eremu horretan berriro uholdeak ez izateko. Aldaketa garrantzitsuak egitea espero zen, trantsizio baten antzera, kontuan izanik 70eko hamarkadako azpiegitura dela; era horretan, Getxo Kirolakek eraikina birmoldatzeko beharra ikusi zuen. Horrela, hiru helburu sortu ziren:

1. Azpiegiturak birmoldatzea, modernizatze aldera.

2. Parke bat eraikitzea, irekitako espazio bat abonatuentzako mugatutako beste batekin konbinatuaz.

3. Espazio hori aprobetxatzea herritarrekin birkonektatzeko eta beste modu batera erlazionatzeko.

Proiektuaren aurkezpena eta horren asmoa definitzeko balio izan duen gakoak abiapuntu hartu dira saioko gainerako parte-hartzaileekin hitz egiteko; izan ere, hainbat begirada eskaintzen dituzten haien errealitate propiotik eta haien lankidetza-proiektuetan duten esperientziatik. Jarraian, eztabaidan sortutako zenbait ideia garrantzitsu aipatuko ditugu:

1. Gogoratu behar dugu parte-hartze eta lankidetza publiko sozialaren oinarrizko motibazioa herritarren eta erakundeen arteko konfiantza berreskuratzea dela, herritarren konpromiso politikoa gauzatuz sakontze demokratikoan aurrera egiteko. Hau da, gobernu komuna eraikitzeko subjektu aktiboak izatea.


2. Eskariaren eta prozesuaren jatorriaren inguruan. Hasierako galderak zeintzuk izan ziren eta nondik abiatu ziren kontuan izateak asmoa ongi ulertzen eta definitzen laguntzen du. Prozesua, ahaztutako auzo batetik abiatu da? Gomendio politikoa da? Batzuetan, asmoa proposatu eta onartu egiten da, eta, beste batzuetan, berriz, ez. Modu horretan, abiapuntua konplexua izan daiteke.


3. Garrantzitsua da esparrua hasiera-hasieratik argitzea. Edozein gonbidapenak espektatibak sortzen ditu, eta erantzunak beldurretik abia daitezke. Lankidetza-prozesuetan funtsezkoa da aurretiko ekintzak lantzeko denbora hartzea.


4.Leku ezberdinetatik partekaturiko helburua. Lankidetza-prozesuetan parte hartzen duen eragile bakoitzak, Administrazio Publikoa barne, bere helburu bereziak ditu. Partekaturiko helburuak eta asmoak eraikitzen ahalegindu behar dugu edota proiektua osatzen duten erakundeen artean sare bat eraikitzen.


5. Proiektuak epe luzerako badira, asmoa aldatuz joaten da, egokituz, eta aldaketaren aurrean irekita egon behar dugu. Herritarrek erantzundako proiektu batean ere entzun eta artatu beharreko beste eskari batzuk irekitzen dira. Beraz, bidezkoa da:

  • Eragile berrien helburuak sartzeko gaitasuna garatzea.
  • Eraikin positiboa izan dezaketen eta konfiantza eraikitzen laguntzen duten ondoko beste ekintza batzuk sartzea.
  • Gatazka eta tentsioa izateko aukera onartzea.
  • Gatazkan, boterea metatzeko dinamikak ager daitezke; beraz, komeni da ezberdinen arteko topaketak bultzatzea eta autoerregulazioa lantzea, botere gehien duten eragileek beste behar batzuk entzun ahal izan ditzaten.

6. Jakin badakigu eskari sozialen erritmoak eta administrazio-prozedurak oso ezberdinak direla. Zer egin daiteke prozesuak arintzeko? Norabide guztietan pedagogia egitea, herritarrei behar eta denbora administratiboak azaltzea. Asmo argi batek balio dezake erronkan beste udal-sailak inplikatzeko. Parte-hartzearen kultura ez da beti hainbeste partekatzen eta, maiz, makineria burokratikoak lan koherente eta arduratsutik banantzen gaitu.


7. Batzuetan, honako hau bezalako esaldiak entzuten ditugu: “Kea saltzen digute”. Eta egoera horretan daudenei argudiatzen jarraitzeko tranpan erortzen gara, modu partekatuan eta praktikoan lan egiten ahalegindu ordez.


8. Horrekin lotuta, prozesuetan ukigarritasunaren dosi jakin batzuk izateko beharra sortzen da elkarrizketan; hau da, hartzaileei eta parte-hartzaileei hautemateko moduko elementuren bat ematea, harremana sendotzeko, proiektuaren kontakizuna egiteko, espektatiben eta errealitatearen arteko arrakala murrizteko, e.a.


9. Batzuetan, proiektu eta asmo bati forma emateko asmoarekin egiten dugu lan, intuizio batetik. Halaber, gerta daiteke intuizio batetik eta talde autonomoago eta askeago batetik (adibidez, teknikarien talde bat) definitzeko lana alderdi politikoak mehatxatzea. Orduan, fokua eta hasierako helburua galtzeko beldurra sortzen da.


10. Dena harremana da. Batzuetan zurekin asmoa eraikitzen aritu diren pertsonak desagertu egiten dira, eta baliteke erreleboan zerotik hasi beharra izatea. Helburuen kudeaketa loturan eta harremanean eraikitzen da, eta landu egin behar da. Alde guztien beharrak partekatu behar ditugu eta horien gaineko kontzientzia hartu, konfiantzako guneak sortzeaz gain.


11. Ildo lauso bat dago herritarren eta administrazioaren arteko lankidetza-prozesuek behar duten babes politikoaren eta kargu politikoek horiek inposatzearen artean. Proiektu bat inposatua denean, gerta daiteke laguntza politikoa eragozpen bilakatzea, erresistentziak elika daitezkeelako, egiteko eta lankidetzan aritzeko modu berriak abian jartzea eragotziz.


Hona arte Komunitatearen saioaren kronika. Martxoaren 24an, osteguna, 09:30etik 11:00etara bitartean, Bherria Prestakuntza saioa egingo dugu; hain zuzen ere, beste formatu batean sakontzen jarraituko dugu, lankidetza publiko-sozialeko proiektuetan “asmoa” atributua definitzen duten gakoak zehazteko. Esteka honetan izena eman dezakezu.

Utzi erantzuna

Zure e-posta helbidea ez da argitaratuko.