Bherria Egonaldia euskadin herritarren aktibazio-prozesuak sendotzeko topagunea eta lantokia da. Bherriaren formatu berria da, Toki Administrazioak parte hartutako edo zuzendutako proiektuak sakontzeko eta hobetzeko. Proiektu horien helburua pertsonen bizi-kalitatea hobetzea izango da, herritarren ekimenekin elkarlana eginaz, eta, betiere, parte-hartze sozialaren eta boluntariotzaren balioekin lotuta egongo dira.

Bherria Egonaldia beren udaletan proiektu bat abiarazita duten Administrazio Publikoko teknikariei zuzendua da; 2020ko martxoaren 12 eta 13an helduko dio aipatutako erronkari, Bilbon.


LANERAKO 3 ARDATZ

Bherria Egonaldiak hainbat une proposatuko ditu, formalak eta informalak, lan-jardunaldi bat eta erdian garatuko direnak. Bizikidetza oinarri izango duen formatu trinko horrek kontzentrazioa eransten dio jarduerari, eta topaketaren harreman-potentzia handitzen du; bi alderdi horiek funtsezkoak dira proposamen honen helburu espezifikoetarako. Konbinazioak elkarrekintza horizontalago eta hurbilekoagoa ahalbidetzen du, meritokraziaren logikatik kanpo. Proposamenak hiru lan-ardatz ditu:

Lankidetza erakundeen barruan

Udal-arloen arteko koordinazioa, herritarren parte-hartze prozesuak eta boluntariotzaren sustapena indartzeko.

Lankidetza erakunde sozialen artean

Lankidetza erakunde sozialen eta herritarren ekimenen artean, udalei behar duten laguntza emango dieten estrategia eta baliabideei arreta emanez, dinamika horiek bultatze aldera.

 

Lankidetza AAPP-ren eta herritarren artean

Gizarteak dituen erronka berriei erantzun eraginkorragoak emateko.

 

 

Jaitsi dossierra Egonaldiari buruzko informazio gehiago eskuratzeko eta bete ezazu online inprimakia aurrez izena eman eta zure profila eta topaketara ekarri nahi duzun proiektua edo esperientzia ezagutu ahal izateko. 

Ziurtatu nahi dugu landuko ditugun proiektuak ahalik eta hurbilen daudela lehen aipatutako hiru ardatzetatik; horrez gain, oreka bilatzen dugu hainbat alderdiri dagokienez: proiektu-mota, hura sustatzen duen udal-saila, garatzen ari den udalaren tamaina, eta jatorrizko lurraldea.

Izena aurretiaz emateko epea otsailaren 21ean bukatuko da, 14:00etan. Talde sustatzaileak parte hartuko duten proiektuen behin betiko hautaketa egingo du, eta ahalik eta lasterren jakinaraziko dugu hautaketa horren emaitza.


Artikuluak


Bideoak