Esandakoa. Bizitegi-larrialdiari buruzko Prestakuntza saioak data berria du: maiatzak 29, ostirala. Hasiera batean maiatzaren 14rako aurreikusita zegoen, baina zergatik aldaketa hau? Izan ere, duela egun batzuk jakin genuen udaletan hurrengo greba-deialdia egingo zela, eta deialdi horrek data hori jasotzen zuen.
Gainerakoa, ez da aldatzen. Saioa 09:30etik 11:30era bitartean egingo da, bizitzegi-larrialdia eta horren erantzuna lankidetza publiko-komunitariotik aztertuko ditugu. Javier Burón, NASUVINSA Nafarroako Gobernuko lurzoru industrial, etxebizitza eta lurralde-kohesioko erakunde publikoko zuzendari kudeatzailearen parte-hartzea izango dugu.
Etxebizitza bat bilatzea esperientzia frustragarrienetako bat izatera iritsi da gaur egun. Bizitoki-larrialdia egiturazko erronka bat da. Bestalde, aldaketa bat ere sumatzen hasi da: herritarren presioak eta urteak mahai gainean zeramatzaten proposamenei (etxebizitza-kooperatibak, parke hutsen mobilizazioa edo etxebizitza kolaboratiboak) begiradak beste horizonte bat irekitzen dute. Gero eta interes handiagoa dago, bai herritarren artean, bai langile teknikoen artean, frustraziotik ekintzara pasatzeko eta benetako irtenbideak aktibatzeko.
Saio horretan, gai horiek landuko ditugu, aukerei erreparatuz. Politika publikoek duten zeregina eta esku-hartze irmo baten beharra aztertuko ditugu, baina administrazioen eta herritar antolatuen arteko lankidetzaren potentziala ere bai.
Oraingoz, jada eman dezakezu izena Javier Buronekin maiatzaren 29an egingo den hurrengo hitzorduan. Gogoratu Prestakuntza saioak irekiak eta doakoak direla, eta 09:30etik 11:00etara egingo direla. Deialdi bakoitzean, izena emateko esteka emango dugu.
Javier Burón
NASUVINSA Nafarroako Gobernuaren lurzoru industrialeko, etxebizitzako eta lurralde-kohesioko enpresa publikoa da, eta Javier Buron zuzendari kudeatzailea da 2023ko azaroaz geroztik. Bartzelonako Etxebizitzako kudeatzailea izan zen (2015–2023), eta aurretik politika publikoetako aholkularia, zuzenbide publikoan espezializatutako abokatua (Cuatrecasas), Eusko Jaurlaritzako Etxebizitzako sailburuordea eta Plangintzako zuzendaria (2003–2009) eta Eusko Legebiltzarreko eta Diputatuen Kongresuko aholkularia.Espainiako Gobernuko Etxebizitzaren Aholku Batzordeko eta Etxebizitza Duinaren Behatokiko (ESADE) kidea da, eta Housing Europe, AVS edo Eurocities bezalako sareekin lankidetzan aritu da. Nazioarteko proiektuetan parte hartzeaz gain, Europako eta Latinoamerikako administrazioei aholkuak ematen dizkie. “El problema de la vivienda” (ARPA, 2025) liburuaren egilea ere bada.