Eusko Jaurlaritzako Osasun Sailak eta Gobernantza Publiko eta Autogobernu Sailak, “Ongizatea eta Osasuna Sortzen dituen Partaidetzarako Gida” ezagutzera eman zuten 2020ko uztailean. Dokumentuak, Bilboko Udaleko Kulturarteko Komunitatearen Esku-hartze Proiektua, Gazteleku Komunitate Garapenerako Elkartea eta “La Caixa” Fundazioarekin lankidetzan sortua, osasuna parte-hartze prozesuetan integratzeko orientabideak eskaintzen ditu.
Gidak estrategia praktikoak proposatzen ditu, bai administrazioek bai komunitate-eragileek parte-hartze prozesuak diseinatzeko, beren helburuak betetzeaz gain, ongizatea sustatzen eta osasunaren alderdian desparekotasuna murrizten. Honen oinarrizko muinak honako hauek dira: aniztasuna, kolektibo guztien inklusioa bermatzeko; autonomia, komunitateen erabakitzeko gaitasuna sustatzeko; eta konfiantza-harremanak, kohesio soziala indartzeko..
Argitalpen horrek nabarmentzen du osasuna ez dela osasun-arretara mugatzen, faktore sozial eta komunitarioen eragin sakona baitu. Ildo horretan, ondo bideratutako parte-hartze prozesuek, bizi-kalitatea hobetzeko eta ingurune bidezkoagoak eta osasungarriagoak sortzeko potentziala dute.
Aurkezpenean, tokiko eragileei dei egin zitzaien gida hori proiektu komunitarioetan funtsezko erreferentzia gisa erabiltzeko, eta horrela, Euskadi bidezkoagoa eta osasungarriagoa eraikitzen laguntzeko. Aldi berean, inplikatutako eragileen eta herritarren konpromiso aktiboaren garrantzia azpimarratu zen, parte-hartze prozesuen arrakasta bermatzeko.
