Galdakaoko Udalak parte hartzeko aurrekontuen 4 edizio burutu zituen 2019 eta 2023 urte artean, eta horietako bakoitzean milioi bat euroko inbertsioa egin zuen. Denbora horretan, hobekuntzak egin dira erronka berriei erantzuteko; hala nola, proposamenen kalitatea lehenestea, udalerria aurrekontu espezifikoekin zonifikatzea, aurrekontuaren banaketa inbertsioen eta zerbitzuen artean definitzea eta erabaki.galdakao.eus plataforma erabiltzea. Bi lezio ikasi ditugu: era horretako prozesu bat abian jarri aurreko konpromisoak betetzea eta babes politikoa eta udaleko sail guztiena lortzea.