Bherrian, lankidetza publiko sozialeko proiektuak definitzen dituzten 11 ezaugarri sakontzeko asmoa hartu dugu; lankidetza hori Administrazio Publikoaren eta herritarren arteko lankidetza da. Ezaugarri horiek Bherriaren 2021eko Topaketan amaitutako ikerketa-prozesuaren emaitza dira.
Urtean hiru ziklo proposatzen ditugu, ezaugarriak zehatz-mehatz sakontzeko. Ziklo bakoitzari hasiera emateko, ezaugarria, lehenik eta behin, testuinguruan kokatuko da; aurrerago, ezaugarri horri lotutako benetako esperientzia bat ezagutuko dugu Komunitatearen topaketa batean; era berean, Prestakuntza-saio bat proposatzen dugu, gaia sakontzen jarraitzeko aditu batekin; elkarrizketa irekia izango dugu ezagutzatik eta esperientziatik abiatuta ezaugarria definitzen duten gako nagusiak kontrastatzeko; eta, azkenik, informazio berria sistematizatuko dugu, edozein proiektu aztertua eta ebaluatua izan dadin tresna baliagarria ematearekin batera.
Lehen zikloan, “Lankidetza publiko sozialaren asmoa” atributua sakondu dugu. thinking Fadura proiektuaren adibideak, Komunitatearen saio batean, abiapuntu gisa balio izan zuen zenbait gako garrantzitsu lortzeko. Gako horiek ondoren egindako Prestakuntza-saioa gidatzen lagundu zuten (Asier Gallastegik emanda). Horri buruzko informazioa artikulu honetan aurki dezakezu: Zer esango luke prozesu honek zure asmoaren inguruan, hitz egiterik izango balu?
Lan kolektibo horretan 20 pertsona baino gehiagok hartu dute parte, eta, emaitza gisa, dokumentu bat egin dugu bost gakoak laburbiltzeko, herritarren eta Administrazio Publikoaren arteko lankidetza-proiektuen asmoa bera bezain garrantzitsua den zerbait definitu edo eguneratu nahi duten pertsonei lagundu ahal izateko.
Errazagoa izatearren, bost gako horiek infografia batean jarri ditugu modu sintetikoan, hobeto ikusteko eta ulertzeko aukerarekin, partekaturiko helburu bat ulertzeko, integratzeko eta garatzeko lagungarri izan daitezkeen ekarpen, erreminta eta guzti.
Halaber, zuen eskura duzue txosten bat, bertsio zabalagoa eta xehetasun gehiago jasotzen dituena, bost gako horiek sakondu ahal izateko.
Orain, horietako bakoitza errepasatzera gonbidatzen zaituztegu, abian den edo egitear dagoen lankidetza publiko sozialeko proiektu baten asmoaren indarra ezagutze aldera. Baliagarria izatea espero dugu.
