Bherrian, Administrazio Publikoaren eta herritarren arteko lankidetza-proiektuak definitzen dituzten 10 ezaugarriak sakontzen jarraitzen dugu. 2022az geroztik, “Asmoaren argitasuna”, “Prozesuak bideratzea” eta “Prozesuen ebaluazioa” bezalako gaiak jorratu ditugu. Oraingoan, berriz, “Komunikazioa lankidetza-prozesuetan” gaiari buruzko emaitzak atsegin handiz partekatzen ditugu.
Komunikazioa funtsezkoa da lankidetza-prozesuetan. Komunikazioari erreparatuko diogu elkarrizketarako tresna gisa hartuta, topaketarako eta ideiak partekatzeko espazioa sortzen baitu, partekatutako kontakizuna eraikitzea sustatuz eta elkarrizketak sortu eta jarrerak mugituz.
Komunikazioa fokatua eta eraginkorra izan dadin egiten dugun apustuan emaitza positiboak lortzeko, funtsezkoa da estrategia bat diseinatzea, entzumen-dosi on bat eta guzti, askotariko publikoarengana iristeko, konexioak ezartzeko, elkarrengana hurbiltzeko, informatzeko eta, azken batean, konfiantza sortzeko. Prozesuan argitasuna emateak duen garrantziaz jabetu behar dugu, zein pertsonarekin lan egin nahi dugun kontuan izatearekin batera. Horrela, haiengana nola hurbildu eta elkarreragiteko erabiltzen dituzten espazio presentzialak eta digitalak ezagutu ahal izango ditugu, haien beharrak entzuteko eta prozesuan parte har dezatela eskatzeko, elkarren artean akordioak eginaz eta irtenbideak aurkituz.
Komunikazio-ezaugarriaren esanahia eta garrantzia sakontzeko lanean, testuingurua partekatu dugu Bherriaren ikuspegitik. Gainera, gai horri buruzko elkarrizketa oso esanguratsua izan dugu Komunitatearen topaketa batean, Bherrian ikasteko dugun komunitatean. Azkenik, Arantxa Sainz de Murieta eta Asier Amezaga, Bherriaren talde bideratzaileko kideak eta Komunikatik-en bultzatzaileak, Prestakuntzaren saio baten buru izan dira, ezaugarri hau sakontzen jarraitzeko beren ezagutzatik.
Lan kolektibo horren ondorioz, bost gakoak laburtzen dituen dokumentu bat prestatu dugu, eta gako horiek lankidetza publiko-sozialeko proiektuak zabaltzeko komunikazio-estrategiak diseinatzen lagunduko digute. Gainera, formatu bikoitza sortu dugu aurkezpenerako: infografia bisuala eta ulergarria, bost gako eta zenbait adibide inspiratzailerekin, eta gako horietako bakoitza jorratzeko aukera ematen duen txosten xeheago bat.
Orain, post hau zuen proiektuko kideekin partekatzera gonbidatzen zaituztegu; ideiak kontrasta itzazue eta lankidetza publiko-sozialari buruzko proiektuetako komunikazioari buruzko elkarrizketak izaten jarraitu. Baliagarria izatea espero dugu.
